Жавоҳир Синдоров 42,5 минг доллар ютиб олди

Жорий йилнинг 14-23 май кунлари Руминия пойтахти Бухарест шаҳрида Super Chess Classic Romania 2026 турнири ўтказилди. Унда қатнашган ўзбекистонлик шахматчи Жавоҳир Синдоров 3-ўринни қўлга киритди ва 42,5 минг доллар ютиб олди.

Ўзбекистонлик гроссмейстер турнир жадвалида 5-очко билан кучли учликка киришга муваффақ бўлди. Шунингдек, америкалик Уэсли Со ҳам 5 очкодан жамғариб, 42 500 АҚШ доллари миқдоридаги мукофот пулини қўлга киритди. Мусобақада 6 очко йиққан германиялик гроссмейстер Винсент Кеймер 1-ўринни қўлга киритган бўлса, америкалик Фабиано Каруана 5,5 очко билан 2-ўринга жойлашди.

Турнирнинг якуний жадвали:

1. Винсент Кеймер (Германия) – 6 очко ($100 000);
2. Фабиано Каруана (АҚШ) – 5,5 очко ($65 000);
3. Жавоҳир Синдоров (Ўзбекистон) – 5 очко ($42 500);
4. Уэсли Со (АҚШ) – 5 очко ($42 500);
5. Аниш Гири (Нидерландия) – 4,5 очко ($18 000);
6. Максим Ваше-Лаграв (Франция) – 4,5 очко ($18 000);
7. Жордан ван Форест (Нидерландия) – 4,5 очко ($18 000);
8. Рамеишбабу Прагнанандҳа (Ҳиндистон) – 4,5 очко ($18 000);
9. Богдан-Даниэл Дяк (Руминия) – 4,5 очко ($18 000);
10. Алиризо Фирузжа (Франция) – 1 очко ($10 000).

Эслатиб ўтамиз, жорий йилнинг апрель ойида Кипрнинг Пафос шаҳри мезбонлик қилган FIDE Номзодлар турнирида ўзбекистонлик шахматчи Жавоҳир Синдоров ғолиб бўлган эди.