Жапаров Қирғизистоннинг янги ҳукуматини тузди

Аввалроқ Қирғизистон Президенти Садир Жапаров мамлакат ҳукуматини истеъфога чиқариш бўйича фармон имзолагани ҳақида хабар берган эдик. 

Бугун, 5 май куни Садир Жапаров 2021 йил 11 апрелда референдум орқали қабул қилинган “Қирғизистон Республикаси Конституцияси тўғрисида”ги Қонунининг 4-моддасига мувофиқ, Вазирлар Маҳкамаси аъзоларини тайинлаш тўғрисида бир қатор фармонлар имзолади.  

Имзоланган фармонларга кўра:

• Марипов Улуғбек Асамидинович Қирғизистон Республикаси Вазирлар Маҳкамасининг раиси этиб тайинланди ва у аввалги лавозимидан озод этилди;
• Новиков Артем Эдуардович Қирғизистон Республикаси Вазирлар Маҳкамаси раисининг биринчи ўринбосари этиб тайинланди ва у аввалги лавозимидан озод этилди;
• Бакашова Юлдуз Кемеловна Қирғизистон Республикаси Вазирлар Маҳкамаси раисининг ўринбосари этиб тайинланди;
• Кармишаков Улуғбек Тойчуевич Қирғизистон Республикаси Вазирлар Маҳкамаси раисининг ўринбосари – Иқтисодиёт ва молия вазири этиб тайинланди ҳамда у аввалги лавозимидан озод этилди;
• Дийканбаев Азамат Абдилмаликович Қирғизистон Республикаси Вазирлар Маҳкамаси раисининг ўринбосари – Рақамли ривожланиш вазири этиб тайинланди;
• Омуралиев Таалайбек Бариктабасович Қирғизистон Республикаси Мудофаа вазири этиб тайинланди ва илгари ишлаган лавозимидан озод этилди;
• Қозоқбаев Руслан Аитбаевич Қирғизистон Республикаси Ташқи ишлар вазири этиб тайинланди ва илгари ишлаган лавозимидан озод этилди;
• Чинбаева Асель Риспековна Қирғизистон Республикаси Адлия вазири этиб тайинланди ва аввалги лавозимидан озод этилди;
• Бейшеналиев Олимқодир Савирдинович Қирғизистон Республикаси Соғлиқни сақлаш ва ижтимоий тараққиёт вазири этиб тайинланди ва аввалги лавозимидан озод этилди;
• Купешев Болотбек Душекович Қирғизистон Республикаси Таълим ва фан вазири этиб тайинланди;
• Иманалиев Ғайрат Олжобаевич Қирғизистон Республикаси Маданият, ахборот, спорт ва ёшлар сиёсати вазири этиб тайинланди ва аввалги лавозимидан озод этилди;
• Ажикеев  Бообек Эргешевич Қирғизистон Республикаси Фавқулодда вазиятлар вазири этиб тайинланди ва илгари ишлаган лавозимидан озод этилди;
• Ниёзбеков Улан Омоканович Қирғизистон Республикаси Ички ишлар вазири этиб тайинланди ва аввалги лавозимидан озод этилди;
• Абдралиева Гулмира Курманбековна Қирғизистон Республикаси Транспорт ва коммуникациялар вазири лавозимига тайинланди ва аввалги лавозимидан озод этилди;
• Турдубаев Кубаничбек Апишевич Қирғизистон Республикаси Энергетика ва саноат вазири этиб тайинланди ва аввалги лавозимидан озод этилди;
• Жанибеков Аскарбек Сапарбекович Қирғизистон Республикаси Қишлоқ, ўрмон ва сув хўжалиги вазири этиб тайинланди ва аввалги лавозимидан озод этилди;
• Шикмаматов Алмамбет Насирканович Қирғизистон Республикаси Инвестицияларини тарғиб қилиш ва ҳимоя қилиш вазири этиб тайинланди;
• Кутманова Динара Асиевна Қирғизистон Республикаси Экология ва иқлим бўйича давлат қўмитасининг раиси этиб тайинланди;
• Тошиев Қамчибек Кидиршаевич Қирғизистон Республикаси Миллий хавфсизлик давлат қўмитасининг раиси этиб тайинланди ва аввалги лавозимидан озод этилди.