Жанубий Кореядаги ўрмон ёнғинлари қурбонлари сони ортди. Ўт ўчираётган вертолёт ҳам қулаб тушди (видео)

Жанубий Кореянинг жануби-шарқий минтақасида давом этаётган ўрмон ёнғинларида ҳалок бўлганлар сони 24 кишига етди ва бугун, 26 март куни ёнғин ўчириш вертолёти қулаши оқибатида унинг учувчиси ҳам ҳалок бўлди. Бу ҳақда “Yonhap” хабар берди. 

Ҳукуматнинг таъкидлашича, ҳалокатли ўрмон ёнғинлари тез тарқалган ва 27,000 дан ортиқ одамни уйларини тарк этишга мажбур қилган. Кучли шамол ва қуруқ об-ҳаво туфайли юзага келган ёнғинлар бутун маҳаллаларни вайрон қилди, мактабларни ёпиб қўйилди ва ҳукумат юзлаб маҳбусларни қамоқхонадан кўчиришга мажбур бўлди.

“Биз энг ёмон ўрмон ёнғинларига жавобан барча мавжуд ходимлар ва жиҳозларни жалб қилмоқдамиз, аммо вазият яхши эмас”, деди  президент вазифасини бажарувчи Хан Док Су 

Маҳаллий полиция ходими Сон Чанг Хонинг айтишича, ҳалок бўлганларнинг кўпчилиги 60-70 ёшлардаги кекса одамлардир.

Ўрмон хизмати эса ёнғинга қарши вертолётларидан бири ёнғинни ўчиришга уринаётганда ҳалокатга учраган ва учувчи ҳалок бўлганини маълум қилди.

Метеорология агентлиги эртага, 27 март куни Жанубий Корея бўйлаб ёмғир ёғишини прогноз қилди, аммо ёнғин содир бўлган ҳудудларда атиги 5 дан 10 мм гача ёғингарчилик кутилмоқда.

Ҳукумат зарар кўрган ҳудудларни махсус офат зоналари деб белгилаган ва ёнғинлар 15 000 гектардан ортиқ майдонга зарар етказганини айтди.