Жаҳон чемпионатининг барча чорак финалчилари маълум бўлди

Бугун, 8 июль куни 2026 йилги Жаҳон чемпионатининг 1/8 финал босқичи якунланди ва чорак финалда иштирок этадиган барча жамоалар номи аниқ бўлди.

Нимчорак финалнинг сўнги кунги баҳслари Швейцария ва Колумбия ҳамда Аргентина ва Миср терма жамоалари ўртасида кечди. 

Дастлаб Атлантада бўлиб ўтган баҳсда амалдаги чемпионлар 0:2 ҳисобида ортда бора туриб, камбек амалга оширган бўлса, Швейцария пенальтилар сериясида колумбияликларни 4:3 ҳисобида мағлуб этиб, 1954 йилдан буён илк бор Жаҳон чемпионати чорак финалига чиқишга муваффақ бўлди. 

Шу тариқа, Жаҳон чемпионатининг чорак финал жуфтликлари тўлиқ шаклланди. Жорий йилнинг 10 июль куни Фоксборода Франция ва Марокаш терма жамоалари ўртасидаги баҳс 1/4 финал босқичини бошлаб берса. 10 июль куни Лос-Анжелесда Испания Белгияга қарши майдонга тушади. 11 июль куни Майамида Норвегия ва Англия куч синашади. Чорак финалнинг сўнгги учрашуви эса 12 июль куни Канзас-Ситида Аргентина ва Швейцария ўртасида бўлиб ўтади.

Ярим финал баҳслари 14 июль куни Арлингтонда, 15 июль куни эса Атланта шаҳрида ўтказилади.

Эслатиб ўтамиз, аввалроқ FIFA мундиалнинг ярим финали ва финалида ишлатиладиган тўпни тақдим этганди.