“Ювентус” ва “Челси” футболчи алмашиши мумкин

Италиянинг “Ювентус” клуби сербиялик футболчиси Душан Влаҳовични бельгиялик Ромелу Лукакуга алмаштиришга тайёр. Бу ҳақда “Football.London” хабар берди.

Манбага кўра, дастлаб Турин клуби “Челси”нинг сербиялик ҳужумчини трансфер қилиш бўйича биринчи таклифини рад этган. Лондонликлар Влаҳович учун тахминан 60 миллион евро таклиф қилган.

Бироз вақт ўтгач, “Ювентус” “Челси”га агар шартномага Ромелу Лукаку киритилса, Влаҳовичнинг нархини 25 миллион еврога тушириши ҳақида маълум қилди.

Икки футболчининг ҳам амалдаги клуби билан шартномаси 2026 йилга қадар мўлжалланган. “Transfermarkt”га кўра, Влаҳовичнинг қиймати 70 миллион еврони ташкил этса, Лукакунинг нархи 40 миллион еврога баҳоланган. 

Ортда қолган мавсумда Влаҳович Италия чемпионатида 27 та ўйинда майдонга тушиб, 10 та гол урди ва 2 та голли узатмани амалга оширди. Лукаку эса Англия чемпионатида 25 та ўйинда 10 та гол урди ва 6 та голга ҳаммуаллифлик қилди.