Йўналиш ўзгарди: Роналду ПСЖ футболчисига айланиши мумкин

“Манчестер Юнайтед” ҳужумчиси Криштиану Роналду ПСЖ футболчисига айланиши мумкин. Бу ҳақда “Le 10 Sport” нашри хабар берди. 

Қайд этилишича, ҳужумчи Килиан Мбаппе Париж клубини тарк этишга яқин турибди, шу боис раҳбарият таркибни кучайтириш вариантларини қидирмоқда. Манбанинг хабарига кўра, агар Роналду “Қизил иблислар” сафини тарк этадиган бўлса, Париж клуби вазиятдан фойдаланишга ҳаракат қилади.

Аввалроқ, Роналдунин агенти “Барселона” раҳбариятига футболчининг хизматларини таклиф қилмоқчи экани ҳақида хабарлар тарқалган эди. 36 ёшли португалиялик форвард жамоадаги вазиятдан ва МЮ раҳбариятидан норози. Шу сабаб ўзининг агенти Жорже Мендешга вазият ўзгармаса, янги жамоа излаш кераклигини айтган.

Роналду Англия премьер лигаси жорий мавсумида 16 та ўйин ўтказган ва 8 та гол уриб, 3 та голли узатмани амалга оширган. 19 учрашувда 31 очко тўплаган МЮ турнир жадвалида еттинчи ўринда бормоқда. Ральф Рангник шогирдлари пешқадам “Манчестер Сити”дан 22 очкога ортда қолмоқда.