YouTube энди онлайн ўйинлар хизматини тақдим этмоқчи
Interesting
−
24 June 2023 7956 1 minute
YouTube видеохостинги онлайн ўйинларни ўйнаш учун маҳсулотни ички синовдан ўтказмоқда. Бу ҳақда “Indianexpress” сайти маълум қилди.
Компания ўз ходимларини "Playables" деб номланган янги YouTube маҳсулотини синаб кўришга таклиф қилди. Синов учун мавжуд бўлган ўйинлардан бири Stack Bounce arcade'дир.
Ўйинларни YouTube сайти веб-браузерларида ёки Google'нинг Android ва Apple'нинг iOS мобил тизимларида ишловчи қурилмалар орқали ўйнаш мумкин.
“Ўйин устида узоқ вақтдан бери ишланмоқда, компания унинг янги хусусиятларини синаб кўряпти ва ҳозир эълон қиладиган ҳеч нарса йўқ”, деб ҳисобот берган YouTube вакили.
Маълумот ўрнида, YouTube Android ва Google TV фойдаланувчилари учун танланган видеоларни “1080p Premium” сифатида транслация қилиш имконини берувчи янги хусусият устида ҳам иш олиб боряпти.
Севара Ҳусниддинова
Live
All