Европанинг энг қиммат клублари эълон қилинди

Англиянинг “Манчестер Сити” клуби Европа жамоалари орасида энг қиммат таркибга эга. Бу ҳақда “Transfermarkt” портали маълум қилди.

Нашр эълон қилган рўйхатда “Манчестер Сити” 1,2 миллиард евро қиймат билан етакчилик қилмоқда. Кейинги поғоналарни Лондоннинг “Арсенал” ва Мадриднинг “Реал” клублари банд этди.

Европанинг энг қиммат 10 та клуби:

1. “Манчестер Сити” (Англия) – 1,2 миллиард евро;

2. “Арсенал” (Англия) – 1,12 млрд евро;

3. “Реал Мадрид” (Испания) – 1,04 миллиард евро;

4. “Париж Сен-Жермен” (Франция) – 1,02 миллиард евро;

5. “Бавария” (Германия) – 929 миллион евро;

6. “Челси” (Англия) – 928 миллион евро;

7. “Ливерпуль” (Англия) – 921 миллион евро;

8. “Барселона” (Испания) – 840 миллион евро;

9. “Тоттенхем” (Англия) – 777 миллион евро;

10. “Манчестер Юнайтед” (Англия) – 734 миллион евро.

Эътиборлиси, рейтингнинг кучли ўнлигига бирорта ҳам Италия клуби киритилмади. Миланнинг “Интер” клуби бу рейтингда 13-ўринни эгаллади. Жамоа таркиби қиймати 622 миллион еврони ташкил қилмоқда.