Европа лигаси финал ўйинининг энг яхши футболчиси аниқланди
Спорт
−
01 Июнь 2023 2839
“Севилья” дарвозабони Яссин Буну Европа лигаси финал ўйинининг энг яхши футболчиси учун бериладиган “Hankook” мукофотини қўлга киритди. Бу ҳақда UEFA расмий сайти хабар берди.
“Рома”-“Севилья” баҳсининг асосий ва қўшимча бўлимлари 1:1 ҳисобида якунланганидан сўнг пенальтиларда испан клуби “Рома”ни 4:1 ҳисобида мағлуб этди.
UEFA техник кузатувчилари 32 ёшли дарвозабоннинг 11 метрлик сериядаги сейвлари ҳал қилувчи аҳамият касб этганини қайд этди. Марокашлик дарвозабон “Рома” аъзолари Жанлука Манчини ва Рожер Ибанеснинг зарбаларини бартараф этди.
Буну Европа лигасининг жорий мавсумида ўз дарвозасидан бешта гол ўтказиб юборди. У 2019/2020 йилги мавсумда ҳам андалусияликлар билан ушбу совринга эга чиқиб, турнирнинг рамзий терма жамоасига киритилганди.
Live
Барчаси
