Евро-2016 чемпиони фаолиятини якунлади

Португалия терма жамоаси билан 2016 йилги Европа чемпиони бўлган терма жамоанинг собиқ дарвозабони Руй Патрисиу 37 ёшида фаолиятини якунлади. Бу ҳақда “А Bola” хабар берди.

Манбага кўра, Патрисиунинг хайрлашув маросими 12 декабрь куни бўлиб ўтади.

Патрисиу фаолияти давомида “Спортинг”, “Вулверҳемптон”, “Рома”, “Аталанта” ва “Ал-Айн” жамоаларида ўйнаган. У Португалия терма жамоаси сафида 108 та ўйин ўтказган ва жамоа билан 2016 йилги Европа чемпионати ҳамда 2019 йилги Миллатлар Лигасида ғолиб чиққан. “Рома” билан эса у 2021-2022 йилги Европа Конференция Лигасида ғолиб бўлган.

Шунингдек, Патрисиу “Спортинг” билан 5 марта Португалия чемпионлиги, 2 марта Португалия кубоги, 2 марта Суперкубок ва 1 марта Лига кубогини қўлга киритган. 

Руй Патрисиу 2016 йилги Европа чемпионатида Португалиянинг асосий ўйинчи бўлиб, турнирнинг энг яхши дарвозабони деб топилган. Финалда Патрисиунинг Гризманн томонидан йўллаган зарбани қайтариши унинг она шаҳри Лейриядаги “Муниципал” стадион ёнида ҳайкал шаклида абадийлаштирилган.