Ерниязов ва Уснатдиновдан бўшаган ўринларга сенаторлар сайланди

Жамият 4903
image

Қорақалпоғистон Республикаси Жўқорғи Кенгеси раиси Мурат Камалов Ўзбекистон Республикаси Олий Мажлиси Сенати аъзолигига сайланди. 

Бердақ номидаги Қорақалпоқ давлат академик мусиқали театрида Қорақалпоғистон Республикаси Жўқорғи Кенгеси, халқ депутатлари туман ва шаҳар кенгашларининг бўшаб қолган ўринларга Ўзбекистон Республикаси Олий Мажлиси Сенати аъзоларини сайлаш бӱйича қӱшма мажлиси бӱлиб ӱтди.

Қўшма мажлисни Ўзбекистон Республикаси Марказий сайлов комиссияси раиси ӱринбосари Маҳмуд Истамов очди ва Сайлов кодексига мувофиқ сайловни ўтказиш тартиб-тамойиллари ҳақида атрофлича тушунтириш берди.

Мажлисда ишчи ҳайъати, Ўзбекистон Республикаси Олий Мажлиси Сенати аъзолигига номзодлар кўрсатиш бўйича маслаҳат кенгаши, мажлис котибияти, саноқ комиссияси аъзолари очиқ овоз бериш йўли билан сайлаб олинди.

Қўшма мажлисда маслаҳат кенгаши томонидан Сенат аъзоларини сайлаш бўйича сайлов бюллетенига киритиш учун таклиф этилган 45-“Шуманай” сайлов округидан Қорақалпоғистон Республикаси Жўқорғи Кенгеси депутати, Ўзбекистон касаба уюшмалари Федерациясининг Қорақалпоғистон касаба уюшмалари ташкилотлари бирлашмаси кенгаши раиси У.Жалменов ва 63-“Қоракўл” сайлов округидан Қорақалпоғистон Республикаси Жўқорғи Кенгеси депутати, Қорақалпоғистон Республикаси Жўқорғи Кенгеси раиси Мурат Камалов номзоди муҳокама қилинди.

Очиқ овоз бериш орқали маслаҳат кенгаши томонидан тақдим этилган номзодларни ёпиқ яширин сайлов бюллетенига киритиш бўйича қарор қабул қилинди.

Шундан сўнг Сенат аъзоларининг сайлови бўлиб ўтди. Натижаларга кӱра 45-“Шуманай” сайлов округидан Қорақалпоғистон Республикаси Жўқорғи Кенгеси депутати, Ўзбекистон касаба уюшмалари Федерациясининг Қорақалпоғистон касаба уюшмалари ташкилотлари бирлашмаси кенгаши раиси У.Жалменов ва 63-“Қоракўл” сайлов округидан Қорақалпоғистон Республикаси Жўқорғи Кенгеси депутати, Қорақалпоғистон Республикаси Жўқорғи Кенгеси Раиси Мурат Камалов Ўзбекистон Республикаси Олий Мажлиси Сенати аъзолари этиб сайланди.

Эслатиб ўтамиз, Қорақалпоғистон Республикаси Жўқорғи Кенгеси раиси – Олий Мажлис Сенати раиси ўринбосари Муса Ерниязов жорий йилнинг 31 июль куни, 9 сентябрь куни сенатор Шарап Уснатдинов вафот этган

Qalampir.uz Tahririyati
Мақолага баҳо беринг
Баҳолаганлар: 74
Рейтинг: 3
Теглар
t
×