Ярим финалнинг илк жанги. Бугун “Арсенал” ПСЖни қабул қилади

Бугун, 29 апрель куни Европа Чемпионлар лигаси ярим финалининг илк ўйини бўлиб ўтади. Унда Лондоннинг “Арсенал”и Парижнинг ПСЖсини қабул қилади.

Требл учун курашаётган парижликлар

Луис Энрике қўл остидаги ПСЖ жорий мавсумда ижобий натижалар қайд этишда давом этмоқда. Клуб мавсум якунига бир неча тур қолганида мамлакат чемпионлигини қўлга киритди. Шунингдек, жамоа Франция кубоги ярим финалида “Дюнкерк”ка қарши майдонга тушади, яъни ушбу фронтда ҳам асосий даъвогар ҳисобланади. Эндиги навбат азалий орзуга айланган Чемпионлар лигасига. ПСЖ ушбу турнир ярим финалида Лондоннинг “Арсенал”ига қарши тўқнаш келади. Бир қарашда фаворит йўқдек. 

Чунки “канонирлар” чорак финалда Мадриднинг “Реал” клубини чиқариб юборганидан кейин даъвогарлардан бирига айланди. Микель Артета қўл остидаги клуб Англия Преьмер-лигасида иккинчи ўринни эгаллаши деярли аниқ бўлди. Чемпион “Ливерпуль”дан 15 очко ортда қолди. Бу мавсумни соврин билан тугатиш учун ягона имкон Чемпионлар лигаси ҳисобланади. Шундай экан, ушбу ўйин биринчи учрашув бўлишига қарамай, мухлисларни зериктириб қўймайди. Сабаби ПСЖда тезкор қанот футболчилари ва “Арсенал”да жисмонан кучли марказ. Мана шу фактор ҳам ўйиннинг қизғин ўтишига далолат беради.

Ўзаро ўйинлар тарихи

Ушбу жамоалар жорий мавсум Чемпионлар лигаси гуруҳ босқичида тўқнаш келган ва унда Лондонда бўлиб ўтган баҳсда “Арсенал” 2:0 ҳисобида ғалаба қозонган. Ундан олдин, яъни 2016 йилда бўлиб ўтган икки ўйинда 2:2 ва 1:1 ҳисоблари қайд этилган. 

Тахминий таркиблар

Одатга кўра, “Opta”, “One football”, “Sporting News” порталлари “Арсенал” - ПСЖ ўйини учун тахминий таркибларни эълон қилди.

“Opta” талқинига кўра, “Арсенал” таркиби:

Райя, Тимбер, Салиба, Кивиор, Келли, Мерино, Эдегор, Райс, Мартинелли, Троссард, Сака.

ПСЖ таркиби:

Доннарумма, Ҳакими, Маркиньос, Пачо, Мендеш, Витинья, Невеш, Руис, Барколья, Кварацхелия, Дембеле.

“One football” талқинига кўра, “Арсенал” таркиби:

Райя, Тимбер, Салиба, Кивиор, Келли, Мерино, Эдегор, Райс, Мартинелли, Троссард, Сака.

ПСЖ таркиби:

Доннарумма, Ҳакими, Маркиньос, Пачо, Мендеш, Витинья, Невеш, Руис, Дуе, Кварацхелия, Дембеле.

“Sporting News” талқинига кўра, “Арсенал” таркиби:

Райя, Тимбер, Салиба, Кивиор, Келли, Мерино, Эдегор, Райс, Мартинелли, Троссард, Сака.

ПСЖ таркиби:

Доннарумма, Ҳакими, Маркиньос, Пачо, Мендеш, Витинья, Невеш, Руис, Барколья, Кварацхелия, Дембеле.

Маълумот ўрнида, “Арсенал” – ПСЖ ўйини Тошкент вақти билан 30 апрелга ўтар кечаси 00:00 да старт олади.