Янгиланган WBA рейтингида 3 нафар ўзбек боксчиси етакчи бўлди
Спорт
−
04 Апрель
4714Бутунжаҳон бокс ассоциацияси (WBA) март ойи якунларига кўра янгиланган рейтингни эълон қилди. Унга кўра, рейтингга умумий 8 нафар ўзбекистонлик боксчи киритилди.
Февраль ойи рейтингида 1-ўринда бўлган Исроил Мадримов ҳозирда WBA чемпиони ҳисобланади. Мадримов чемпионлик жангида ютқазган россиялик Магомед Қурбонов 6-поғонани банд этди. Жермалл Чарло эса нафақадаги чемпион мақомида бўлиб турибди.
Рейтингда ўзбекистонлик чарм қўлқоп усталаридан Ҳасанбой Дўсматов, Муроджон Аҳмадалиев ва Шаҳрам Ғиёсов ўз вазнида 1-ўринда қайд этилган.
Ярим енгил вазнда фаолият олиб бораётган Отабек Холматов эса чемпионлик жангида ютқазгач янгиланган жадвалда уч поғона пастлади. Февра ойи рейтингида 1-ўринда қайд этилган Холматов март ойи жадвалида 4-ўринни банд этди.
Рейтингдаги ўзбек боксчилари:
Ҳасанбой Дўсматов - (минимал вазн) 1-ўрин;
Муроджон Аҳмадалиев (биринчи ярим енгил вазн) - 1-ўрин;
Муҳаммад Шехов (биринчи ярим енгил вазн) - 10-ўрин;
Отабек Холматов (ярим енгил вазн) - 4-ўрин;
Ботир Аҳмедов (супер енгил вазн) - 7-ўрин;
Шаҳрам Ғиёсов (яримўрта вазн) - 1-ўрин;
Исроил Мадримов (супер ярим ўрта вазн) - вазн чемпиони;
Бектемир Мелиқўзиев (супер ўрта вазн) - 5-ўрин.
LiveБарчаси