Янги метро вагони томидан сув сизиб чиққани бўйича изоҳ берилди
Жамият
−
14 Ноябрь 2020 8244
Ижтимоий тармоқларда янги метро вагони томидан сув томчилари сизиб чиқаётгани акс этган видео тарқалди. Видеодаги изоҳда бу ёмғир суви экани айтилган.
“Тошкент метрополитени” ушбу ҳодиса бўйича расмий муносабат билдирди.
Маълум қилинишича, ҳолат вагон ичидаги иқлим тизимининг дренаж тешиги тиқилиб қолганлигидан ҳосил бўлган.
“Видеоларда намойиш этилганидек, вагон салонига томдан сизиб кирган сув томчилари бу ёмғир суви эмас, балки кондиционер тизимининг конденсатидир”, дейилади маълумотда.
Таъкидланишича, айни пайтда ушбу муаммо бартараф этилган. Келиб чиққан ноқулайликлар учун узр сўралган.
