Yana yong‘in, yana “dom” yondi

3-sahifa

−

22 Avgust visibility5332 timer1 daqiqa

Toshkent viloyatining Chinoz tumanida ko‘p qavatli binolarning biriga o‘t ketdi. Bu haqda viloyat Favqulodda vaziyatlar bosh boshqarmasi xabar berdi.

Ma’lum qilinishicha, bugun, 22 avgust kuni soat 08:17 da Toshkent viloyati Chinoz tumani “Bunyodkor” MFY, Sh. Rashidov ko‘chasida joylashgan ko‘p qavatli uyning tom qismida yong‘in sodir bo‘layotgani to‘g‘risida Toshkent viloyati FVBBga xabar kelib tushgan.

Xabarga asosan, yong‘in-qutqaruv bo‘linmalari voqea joyiga yetib borgan va yong‘inni bartaraf etish ishlarini boshlagan.

Qayd etilihcha, aytilgan manzilda ko‘p qavatli uydagi barcha fuqarolar evakuatsiya qilingan. Yong‘in soat 09:10 da qurshab olingan.

Hodisa oqibatida tan jarohati olganlar haqida ma’lumot hali berilmagan.

Boshqarmaga ko‘ra, hozirda vaziyat to‘liq nazoratga olingan bo‘lib, qo‘shimcha ma’lumotlar taqdim etilishi bildirilgan.

Maqola muallifi