Ямаль “Барселона”нинг жароҳат бўйича қарорларидан норози

“Барселона” футболчиси Ламин Ямаль клуб тиббиёт бўлимига жароҳатдан тикланиш жараёни билан боғлиқ шикоятини билдирган. У клубда олиб борилаётган тикланиш жараёнларидан мамнун эмаслигини аниқ ифода қилган. Бу ҳақда “Оnе football” нашри хабар берди.

Манбага кўра, шикоят ортидан “Барселона” айрим ўзгаришларни амалга оширган. Футболчи бошқа клуб ходимларидан ёрдам олишни сўраган ва бунга рухсат берилган. Эндиликда Флик жамоада жароҳатларни назорат қилиш бўйича ечимлар излаётгани айтилмоқда.

“Барселона”нинг асосий ўйинчилари, жумладан, Жоан Гарсия, Педри ва Рафиня жароҳатлари ҳам жамоа натижаларига таъсир кўрсатди. Клуб раҳбарияти бу янги ўзгаришлар муаммоларни камайтиришга ёрдам беришини умид қилмоқда.

Жорий йилнинг сентябрь ойида жағидан жароҳат олган Ямаль ҳозирда 100% га тикланган бўлса-да, деярли уч ой давомида жароҳатни тиклаш жараёни билан боғлиқ муаммоларни бошдан кечирган. Бундан ташқари, Ямаль сентябрь ойида Испания терма жамоасида сафда олган жароҳати туфайли “Валенсия”, “Ньюкасл Юнайтед”, “Хетафе” ва “Реал Оведо”га қарши ўйинларни ўтказиб юборишга мажбур қилди. У “Реал Соседад”га қарши ўйинда майдонга қайтган бўлса-да, аммо бир неча кун ичида ПСЖ ва бошқа ўйинлардан сўнг жароҳат қайталанган. Натижада, у Испаниянинг сўнгги тўртта ўйини ва “Барселона”нинг жамоасидаги муҳим учрашувларни ўтказиб юборди.

Эслатиб ўтамиз, аввалроқ “Барселона” футболчиси Ламин Ямаль 7–10 кунлик дам олишни талаб қиладиган тиббий муолажадан сўнг Испания терма жамоаси сафида майдонга туша олмаслиги сабаб терма жамоанинг сўнги йиғинини ўтқазиб юборган эди.