XXI асрнинг энг яхши ярим ҳимоячилари рейтинги эълон қилинди

Франциянинг “Canal+” нашри ўз талқини бўйича XXI асрнинг энг яхши 15 нафар ярим ҳимоячиси рейтингини эълон қилди. Унда Зинедин Зидан асрнинг энг яхши ярим ҳимоя ўйинчиси деб топилган. 

Манбага кўра, ушбу рўйхатда Франция терма жамоаси ҳамда “Реал Мадрид” собиқ футболчиси Зинедин Зидан етакчилик қилмоқда. У замонавий футбол даврининг энг кучли ярим ҳимоячиларидан бири сифатида эътироф этилган.

Рўйхатда “Барселона” афсонаси испаниялик ярим ҳимоячи Андрес Иньестани иккинчи ўринни эгаллаган бўлса, Иньестани клуб ва терма жамоадаги шериги Хави учинчи поғонадан жой олган. Шунингдек, Лука Модрич ва Андреа Пирло ҳам ушбу рўйхатда кучли бешликка киритилган.

XXI асрнинг энг яхши 15 ярим ҳимоячилари рўйхатидан яна қуйидаги футболчилар ўрин олган: Луиш Фигу, Кака, Стивен Жеррард, Кевин де Брюйне, Тони Кроос, Серджи Бускетс, Дэвид Бекхэм, Патрик Виейра, Фрэнк Лэмпард, Яя Туре.  

Қайд этиш жоиз, Зинедин Зидан 2001-2006 йилларда “Реал Мадрид” шарафини ҳимоя қилган ва клуб билан бир марта Испания чемпионлиги ҳамда бир марта Чемпионлар лигаси бош совринини қўлга киритган. 1998 йилда Франция терма жамоаси билан жаҳон чемпионлигини қўлга киритган.