“Xon Saroy”дан илк кино лойиҳаси: “Мусиқа бу севги”

“Xon Saroy”дан сиз кутмаган янгилик. Авваллари “Xon Saroy” компанияси фақат сизга шинам ва қулай хонадонларни таклиф қилган бўлса, энди у маданият оламига қадам қўйди, аниқроқ қилиб айтадиган бўлсак, ўзининг "Мусиқа бу севги"  номли  биринчи бадиий  фильм премьерасини намойиш этади.

Мюзикл жанрида суратга олинган фильм премьераси 15 сентябрь куни Ўзбекистон Миллий кино санъати саройида бўлиб ўтди. Тадбир машҳур актёр ва актрисаларни, халқимиз ардоғидаги санъат аҳилини кутиб олиш билан бошланди. Ушбу фильм клипмейкер Суннат Намозовнинг режиссёрлик иши. Ғоя муаллифи эса – севимли хонанда Шоҳруххон.

“Xon Saroy” компанияси ҳомийлигида ташкил этилган ушбу катта лойиҳага нафақат профессионал актёр ва актрисалар, балки блогерлар ҳам жалб қилинган. Бу эса фильмга янгича замонавий ёндашувни олиб кирган. Мисол учун, бош қаҳрамон Фаррух образини машҳур блогер Бобур Мансуров ҳамда чиқинди ташувчи дарбадар образини Мўмин Иброҳимов маҳоратли тарзда очиб берган.

Фильмнинг асосий ғояси мусиқага, умуман, санъатга нисбатан одамларнинг  муносабатини кўрсатиб бериш. Воқеалар оддийгина "мусиқа фестивали"ни ташкиллаштиришни орзу қилган Фаррух билан  бошланади. У тадбир иштирокчиларини оддий инсонлар ичидан излайди ва уларнинг истеъдодларини кашф қилади.

Фильм қаҳрамонлари орасида “Супер келинчак” образи билан ёдда қолган актриса Диана Ягафарова ҳам бор.  Аммо бу фильмда у зўравонликка учраган аёл образида гавдаланган.

Катта экранда намойиш қилинган фильм нафақат санъат аҳлига, балки барча томошабинларга ҳам бирдек манзур бўлди. Бунинг ёрқин исботини фильмнинг сўнгигача томоша қилган мухлислар фикридан ҳам билиш мумкин.

“Мусиқа бу севги” филми премьераси санъат ихлосмандлари учун унутилмас кеча бўлди. Энди ушбу фильм юртимиз кинотеатрларида намойиш қилинади.

Маълумот учун, “Мусиқа бу севги” — “Xon Saroy” компаниясининг биринчи кино лойиҳаси ҳисобланади. У кўп йиллардан бери кўчмас мулк соҳасида ишончли ва фаол бренд сифатида танилган. Ҳозиргача компания томонидан Тошкентда 9 та, Навоийда эса 3 та лойиҳа якунлаб, ўз эгаларига топширилган. Айни пайтда эса яна 10 та лойиҳада қурилиш ишлари давом этмоқда.

Кўчмас мулк бозоридаги тажрибаси ва ютуқлари билан танилган Xon Saroy бугунги кунда ўз фаолиятини кенгайтириб, ижодий ва маданий йўналишларда ҳам ўз ўрнини топмоқда.

Батафсил маълумот учун: 71 200 74 00 

Вебсайт | Telegram | Instagram

Реклама ҳуқуқи асосида