WBO Усикнинг навбатдаги жанги санаси ва рақибини эълон қилди
Спорт
−
15 Апрель 3863
Профессионал боксда учта асосий йўналиш чемпион ҳисобланган украиналик Александр Усик IBF камари соҳиби британиялик Даниэль Дюбуага қарши мутлақ жаҳон чемпионлиги учун жанг қилади. Бу ҳақда Халқаро бокс ташкилоти (WBO) матбуот хизмати хабар берди.
“Ташкилотимизга Усик ва Дюбуа ўртасидаги бирлаштирувчи чемпионлик жанги бўйича сўровнома келди. Бу жанг ўтказилишини тасдиқлаймиз”, дейди WBO президенти Густаво Оливери.
Маълумот учун, Усик сўнгги жангини ўтган йилнинг 22 декабрь куни Ар-Риёд да британиялик Тайсон Фьюрига қарши ўтказиб, очколар ҳисобига кўра ғалаба қозонганди. Дюбуа эса 22 февраль куни Жозеф Паркердан камарини ҳимоя қилиши керак эди, бироқ жангга икки кун қолганида Паркер бетоб бўлиб қолди.
Қайд этиш жоиз, Усик ва Дюбуа бунгача 2023 йилнинг августида Полшада тўқнаш келган ва жангда украиналик чарм қўлқоп устаси рақибини 9-рауннда нокаутга учратганди.
