VISA ва Марказий банк Ўзбекистонда рақамли тўловлар инфратузилмасини ривожлантиради

Жамият

image

Ўзбекистон Республикаси Марказий банк ва VISA халқаро тўлов технологиялари компанияси Ўзбекистонда рақамли тўлов инфратузилмасини ривожлантириш дастурларини биргаликда амалга ошириш бўйича ўзаро англашув ва ҳамкорлик меморандумини имзоладилар. Бу ҳақда Марказий банк Матбуот хизмати хабар тарқатди.

Меморандумга кўра, томонлар Ўзбекистонда рақамли тўловлар инфратузилмасини биргаликда яратиш, янги рақамли тўлов маҳсулотларини жорий этиш йўли билан электрон тўловларни қабул қилиш тармоғини кенгайтириш ва рақамли тўловларни ривожлантиришга қаратилган меъёрий ҳужжатларни ишлаб чиқишда ҳамкорлик қилишади. 

Шунингдек, томонлар бутун мамлакат бўйлаб карталарни қабул қилишни кенгайтириш ва электрон тижоратни ривожлантириш дастурларини банклар ва савдо субъектларига рискларни бошқаришнинг ишончли воситаларини тақдим этиш орқали амалга оширишга келишиб олдилар. 

Ҳамкорлик доирасида томонлар маҳаллий банклар билан мобил ва электрон тўловлар хавфсизлигини таъминлаш учун карта ҳисоб рақамларини белгилашни (токенлаштириш) жорий этиш, шунингдек, хатарлар ва фирибгарлик операциялари бўйича маълумотлар алмашиш бўйича иш олиб боришни режалаштирмоқдалар.


Мақола муаллифи

Теглар

Марказий банк VISA

Баҳолаганлар

3

Рейтинг

3

Мақолага баҳо беринг

Дўстларингиз билан улашинг

online_predictionLive

Барчасиcall_made