Винисиус “Вильярреал”га қарши ўйинда қилган иши учун узр сўради

“Реал Мадрид” ҳужумчиси Винисиус Жуниор Испания чемпионатининг саккизинчи турида “Вильярреал”га қарши учрашувда майдондан четлатилганидан сўнг жамоадошлари ва мухлисларидан узр сўради. Бу ҳақда Винисиус ўзининг Instagram саҳифасида ёзиб қолдирди.

Мадридда бўлиб ўтган учрашувда мезбонлар 1:0 ҳисобида ғалаба қозонди. Бироқ ўйиннинг 71-дақиқасида Винисиус рақиб дарвозасига иккинчи голни киритди, аммо видеотакрор кўриб чиқилганидан кейин гол бекор қилинди. Бунга бразилиялик футболчининг ҳужум бошида рақиб ярим ҳимоячиси Натан Салибанинг сочидан тортгани сабаб бўлди.

73-дақиқада эса “Реал Мадрид” ҳужумчиси тўғридан тўғри қизил карточка билан жазоланди. Шундан сўнг, у ҳакамнинг қарорига кескин норозилик билдирди. Жамоадоши Антонио Рюдигер Винисиусни ушлаб, унинг ҳакамга яқинлашишига тўсқинлик қилди.

“Ғалабалар давом этмоқда. Жамоам ва мухлислардан узр сўрайман”, деб ёзди Винисиус.

Маълумот учун, “Реал Мадрид” 18 очко жамғарган ҳолда Испания чемпионати турнир жадвалида учинчи ўринда бормоқда. Мадридликлар кейинги учрашувда жорий йилнинг 18 октябрь куни ўз майдонида “Севилья”ни қабул қилади.