Venesueladagi zilzilalar qurbonlari 6 100 nafardan ortdi

Venesuelada iyun oyida sodir bo‘lgan ikkita kuchli zilzila oqibatida halok bo‘lganlar soni 6 125 nafarga yetdi. Bu haqda mamlakat parlamentining yuqori lavozimli vakili Xorxe Rodriges ma’lum qildi.

Uning Telegram orqali e’lon qilgan ma’lumotlariga ko‘ra, zilzilalardan jabrlangan qariyb 61 ming nafar kishi shifoxonalarda tibbiy yordam olgan. Shuningdek, tabiiy ofat natijasida hosil bo‘lgan vayronalarning 16,5 foizi tozalangan.

AQSH Prezidenti Donald Tramp qo‘llab-quvvatlayotgan mamlakat prezidenti vazifasini bajaruvchi Delsi Rodriges hukumatning ofatga javob choralarini himoya qilgan.

Bu hukumat harbiylar va boshqa rasmiylar zilzila hududlariga kech yetib borgani hamda vayronalar ostida qolganlarni qutqarishda yetarli darajada yordam ko‘rsatmagani haqidagi tanqidlar fonida yangradi.

Eslatib o‘tamiz, avvaloq Venesuelada sodir bo‘lgan vayronkor zilzila qurbonlari soni 5 ming 119 kishiga yetgani xabar qilingandi.