Ўзбекистоннинг ЖЧга чиқиш имконияти қандай баҳоланмоқда?

Ўзбекистон терма жамоасининг саралашнинг 3-босқичидаёқ 2026 йилги Жаҳон чемпионатига чиқиш имконияти 96 фоизни ташкил этмоқда. Бу ҳақда “We Global” хабар берди.

Манбага кўра, Кападзе шогирдларининг 1-ўрин билан мундиалга чиқиш имконияти 3,1, 2-ўрин билан ЖЧга йўл олиш фоизи эса 92,9 кўрсаткични ташкил этмоқда. Ўзбекистон билан дуранг ўйнаган Эрон эса муддатидан аввал тўрт йилликнинг энг йирик футбол мусобақасига чиптани нақд қилди.

Ўзбекистоннинг гуруҳдаги энг яқин таъқибчиси Бирлашган Араб Амирликларининг 3-босқичда ЖЧга чиқиш имконияти атиги 4 фоизга баҳоланмоқда. Амирликлар катта эҳтимол билан “A” гуруҳида 3-ўринни эгаллаши ва саралашнинг 4-босқичида юришини давом эттириши тахмин қилинмоқда.

Қайд этиш жоиз, Ўзбекистон июнь ойида ЖЧ-2026 саралашининг 9-турида сафарда айнан БАА билан баҳс олиб боради. Мазкур ўйиндаги дуранг натижа ҳам Кападзе шогирдларига мундиал йўлланмасини кафолатлайди.