Ўзбекистонликлар 2021 йилдаги ҳаётидан розими?
Жамият
−
31 Декабрь 2021 16250
2021 йилнинг энг сўнгги куни ҳам ортда қолмоқда. Одамлар ўтган бир йил умрини сарҳисоб қилиш билан банд. Албатта, бу вақт мобайнида ҳар бир инсоннинг ҳаётида турли ўзгаришлар, мағлубият ва муваффақиятлар бўлгани турган гап. QALAMPIR.UZ бу борада одамлар фикрини ўрганиш мақсадида ижтимоий сўровнома ўтказди.
Респондентларнинг айримлари бу йил омадли келганидан хурсанд бўлса, бошқалар бироз омадсиз ўтганидан афсусда. Қувонарлиси, бу йил ўқишга кирган ёшлар, шунингдек ўқишни тамомлаб, ишга киришга улгурган фуқаролар ҳам талайгина.
Баъзи респондентлар жорий йилда ўз яқинларидан айрилиб қолгани сабабли қайғуда бўлса, баъзилари COVID-19 вируси секин-аста Ўзбекистонни тарк этаётганидан мамнунлигини айтди.
Қолаверса, “Қўйлиқ” бозори бузилаётгани сабабли иш жойисиз қолаётган тадбиркорлар вазиятдан фойдаланиб, ўз норозиликларини ҳам билдириб ўтди.
QALAMPIR.UZ барча фуқароларни Янги йил байрами билан муборакбод этади. 2021 йилда амалга ошмаган режа ва мақсадларингиз, 2022 йилда амалга ошишига тилакдошмиз. Байрам муборак!
Live
БарчасиБухорода Ғиждувон деҳқон бозори ёнмоқда.
14 Декабрь