2021 йилда Ўзбекистонда йил воқеаси нима бўлди?

Мен 2021 йилда талаба бўлдим, мен эса ширин набиранинг бувиси, мен бу йилда оила қурдим, тўғрисини айтганда бу йил мен учун жуда омадли келди, катта ютуқларга эришдим. 2021 йил мен учун жуда омадсиз йил бўлди, негадир бошим касалдан чиқмади. Йил тугаб бораркан ҳар бир одам ўтган йилини сарҳисоб қилишни бошлайди. Йил якунида кимдир бир йили омадли ўтди деб ҳисобласа яна кимдир умуман омадсиз йил бўлганини айтади.

Хўш, 2021 йилда Ўзбекистонда йил воқеаси нима бўлди? Бу йилни сиз қандай ёдга оласиз? Айнан шу савол билан QALAMPIR.UZ мухбири ижтимоий сўровнома ўтказиб, аҳоли фикри билан қизиқди. Кимдир йил воқеаси дея Президент сайловини эътироф этган бўлса, бошқалар нарх-наво кўтарилиб кетганини таъкидлади. Ҳатто, ҳеч қандай ўзгариш йўқ деганлар ҳам бўлди.                                                                                                                                                                                        

Сиз-чи, сиз 2021 йилда йил воқеаси деб нималарни эслайсиз?