Ўзбекистонлик йигит Суриядаги террор ташкилотининг жанговар ҳаракатларида қатнашаётгани аниқланди
3-саҳифа
−
12 Август 2023 12973
Ўзбекистонлик 22 ёшли йигит Суриядаги террорчилик ташкилотига қўшилиб, жанговар ҳаракатларда қатнашаётгани аниқланди. Бу ҳақда Ички ишлар вазирлиги ахборот хизмати хабар берди.
Маълум қилинишича, 2001 йилда Тошкент шаҳрида туғилган М.Т. Туркия давлатига бориб, у ерда “Катиба ал-Ғуроба ал-Туркистон” террорчилик ташкилоти ёлловчиларининг таъсирига тушиб қолган. Айланма йўллар орқали Сурияга ўтиб, ушбу ташкилот сафига қўшилган.
“Ҳозирда М.Т. террор ташкилотининг жанговар ҳаракатларда қатнашиб келаётгани аниқланди”, дейилади хабарда.
Мазкур ҳолат юзасидан Жиноят кодексининг 244−2-моддаси (Диний экстремистик, сепаратистик, фундаменталистик ёки бошқа тақиқланган ташкилотлар тузиш, уларга раҳбарлик қилиш, уларда иштирок этиш) билан жиноят иши қўзғатилиб, тергов ҳаракатлари олиб борилмоқда.
Эслатиб ўтамиз, аввалроқ Ўзбекистонга қарши ўта оғир жиноятларни содир этган шахс хориждан олиб келинган эди. Шунингдек, Индонезияда террорчиликда гумонланган 4 нафар ўзбекистонлик қўлга олинганди.
Live
Барчаси
