Ўзбекистонлик ўсмир боксчилар Россияда ўтган турнирда 1-ўринни эгаллади
Спорт
−
24 Февраль 2023 4153
Жорий йилнинг 19-23 февраль кунлари Россия Федерациясининг Санкт-Петербург шаҳрида бокс бўйича ўсмирлар ўртасида халқаро турнир бўлиб ўтди. Бу ҳақда Ўзбекистон бокс федерацияси матбуот хизмати хабар берди.
Жамоавий беллашувлар тарзида ташкил этилган мусобақада ўзбекистонлик боксчилар Россия-1, Россия-2, Беларусь ва Санкт-Петербург жамоаларига қарши баҳс олиб борди.
Бекзод Ҳидиров мураббийлигидаги Ўзбекистон жамоаси 4 та учрашувнинг барчасида ғалабага эришди ва турнир ғолиблигини қўлга киритди.
Натижалар:
Ўзбекистон-Россия-1 – 7:6;
Ўзбекистон-Санкт-Петербург – 10:3;
Ўзбекистон-Беларусь – 9:4;
Ўзбекистон-Россия-2 – 8:5.
