Ўзбекистонлик ҳакамлар ЖЧ ўйинига тайинланди
Спорт
−
24 июн 7520 1 дақиқа
Ўзбекистонлик FIFA рефериси Илгиз Танташев жамоаси Жаҳон чемпионатидаги навбатдаги ўйинини бошқариб боради. Бу ҳақда Ўзбекистон футбол ассоциацияси хабар берди.
Айни кунларда АҚШ, Канада ва Мексика мезбонлигида FIFA Жаҳон чемпионати баҳслари давом этмоқда. Мусобақанинг 3-туридан ўрин олган Жазоир – Австрия учрашуви ўзбекистонлик ҳакамлар жамоасига ишониб топширилган.
Мазкур баҳсни FIFA ҳаками Илгиз Танташев бошқариб боради. Унга қанотларда Андрей Сапенко ва Тимур Гайнуллин ёрдам беради. Учрашув 28 июнь куни Тошкент вақти билан соат 07:00 да бошланади.
Эслатиб ўтамиз, аввалроқ Ўзбекистон миллий терма жамоасининг Жаҳон чемпионатидаги навбатдаги баҳсини германиялик ҳакамлар бошқариши ҳақида хабар берилган эди.
Live
Барчаси
