Ўзбекистонга олиб ўтилган АҚШ самолётлари “Толибон”га берилмайди – Пентагон

Афғонистондан Ўзбекистон ва Тожикистонга олиб ўтилган АҚШ самолётлари “Толибон”га берилмайди. Бу ҳақда АҚШ Мудофаа вазири Матбуот котиби Жон Кирби маълум қилди. 

Қайд этилишича, ўтган ҳафта Пентагон раҳбари Ллойд Остин Мудофаа микроэлектроника фаолиятини саноат техник мукаммаллиги маркази сифатида белгилаган. Кирбига кўра, микроэлектроника кўплаб асосий қурол тизимларига имкон беради. Матбуот котибининг айтишича, бу ижобий қадам ҳисобланади. 

Таъкидланишича, АҚШ 2021 йилнинг август ойида Афғонистонни тарк этганида айрим афғон учувчилари мамлакат ҳарбий-ҳаво кучларига тегишли бўлган самолётда ўзлари ва оилаларини мамлакатдан ташқарига — Ўзбекистон ва Тожикистонга олиб кетган. Улар орасида АҚШ томонидан тақдим этилган самолётлар ҳам бўлган. 

Афғонистонни босиб олган “Толибон” эса ушбу самолётларни қайтариб олишни хоҳламоқда. АҚШ Мудофаа вазирлигига кўра, Америкада ишлаб чиқарилган самолётлар ҳақида гап кетганда, бундай бўлиши мумкин эмас. 

“Биз ҳали ҳам ўша вертолётларнинг жойлашишини ишлаб чиқмоқдамиз. Менимча, улар Афғонистонга “Толибон” томонидан қўлланилиш учун юборилмайди”, деган Кирби. 

Кирбининг сўзларига кўра, ушбу вертолётлар нима қилиниши ҳақидаги якуний қарор устида Мудофаа вазирлиги ҳали ҳам ишламоқда. 

Кирби ҳозирда “Толибон” АҚШ томонидан тан олинмаслигини қўшимча қилган. 

“Биз у ерда нима бўлаётганини кузатиб борамиз. Бизда терроризмга қарши курашда жиддий ва муҳим масъулият бор”, деган Кирби. 

Эслатиб ўтамиз, Афғонистонда ҳокимиятни қўлга киритган “Толибон” ҳаракати Тожикистон ва Ўзбекистон расмийларини Марказий Осиёнинг ушбу Республикаларига олиб ўтилган самолётларни қайтаришга чақирганди. 

Таъкидланишича, Афғонистон Ислом Республикаси режими ағдарилишидан олдин мамлакатда 164 та жанговар самолёт бўлган бўлса, ҳозирда улар атиги 81 та. Уларнинг аксарияти минтақанинг бошқа давлатларига экспорт қилинган.  

Маълумот ўрнида, АҚШ 2021 йил баҳорида ўз Қуролли кучларини мамлакатдан олиб чиқиб кетишини эълон қилганидан кейин “Толибон” ҳаракати Афғонистон устидан назорат ўрнатиш учун кенг кўламли операция бошлади. 15 август куни “Толибон” жангсиз Қобулга кирди, Президент Ашраф Ғани эса Республикани тарк этди. 6 сентябрда толиблар бутун Афғонистон ҳудуди устидан назорат ўрнатилгани ҳақида эълон қилган бўлса, 7 сентябрда эса қонунийлиги ҳали ҳеч бир давлат томонидан тан олинмаган муваққат ҳукумат таркибини эълон қилди.