Ўзбекистонда Шри-Ланканинг 8 нафар фуқароси судланди

3-саҳифа 15813
image

Тошкентда сохта паспорт билан чет элга чиқмоқчи бўлган 8 нафар Шри-Ланка фуқароси судланди. Бу ҳақда Бош прокуратура Матбуот хизмати хабар берди. 

Қайд этилишича, жорий йилнинг 8 апрель куни Шри-Ланканинг 8 нафар фуқароси қалбаки Франция ва Италия паспортлари билан Тошкент-Лондон йўналиши буйича учмоқчи бўлганида чегара назорати ходимлари томонидан тўхтатилиб, рейсдан қолдирилган.

Ушбу ҳолат бўйича тайинланган экспертиза хулосасига кўра, чет эл фуқароларидаги 2 та Италия ва 6 та Франция давлатининг паспортлари қалбаки эканлиги аниқланган. 

Мазкур ҳолат юзасидан Тошкент авиация транспорт прокуратураси томонидан Жиноят кодексининг 223 (қонунга хилоф равишда чет элга чиқиш ёки Ўзбекистон Республикасига кириш) ва 228-моддалари (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилган ва тергов ҳаракатлари олиб борилган.

Тергов натижасига кўра, 8 нафар хорижликларга нисбатан айблов эълон қилиниб, жиноят иши кўриб чиқиш учун судга юборилган.

Жиноят ишлари бўйича Миробод тумани судининг ҳукми билан судланувчиларга тегишли жазолар тайинланди.

Диёра Абдураҳмoнова
Мақолага баҳо беринг
Баҳолаганлар: 745
Рейтинг: 3
t
×