O‘zbekistonda necha kishi ustidan statsionar tibbiy nazorat o‘rnatilgani aytildi

O‘zbekistonda koronavirusga chalinganlar soni 4547 nafarni tashkil etmoqda. Bemorlardan 3459 nafari (76 foiz) sog‘aygan bo‘lsa, ayni damda 1070 nafari davolanmoqda. Bu haqda bugun, 10 iyun kuni AOKA huzuridagi shtabda bo‘lib o‘tgan brifingda Sanitariya-epidemiologik osoyishtalik agentligi direktori birinchi o‘rinbosari Botirjon Qurbonov ma’lum qildi.

Ma’lumotlarga ko‘ra, epidemiologik vaziyat noxush bo‘lgan davlatdan 46 812 nafar bemor kelgan. Ulardan 23 153 nafari uy sharoitida karantinda bo‘lsa, 23 659 nafar bemor ustidan statsionar sharoitda tibbiy nazorat o‘rnatilgan.  

Botirjon Qurbonovning ta’kidlashicha, virusologik laboratoriyada oxirgi bir kunda 17 798 ta, epid mavsum davomida 831 642 ta test sinovlari o‘tkazilgan.

Avvalroq, o‘zbekistonlik olimlar ixtiro qilgan “Rutan” dorisi SARS CoV-2 tipidagi virusga qarshi samara bergani haqida xabar qilgandik. Sog‘liqni saqlash vazirligi huzuridagi Farmatsevtika tarmog‘ini rivojlantirish agentligi ushbu dori vositasida qo‘shimcha ma’lumot berdi.