Ўзбекистонда илк бор бир кунда мингдан ортиқ бемор коронавирусдан соғайди

Жамият 21408
image

Бугун, 2 август куни Ўзбекистонда коронавирус инфекциясидан даволанаётган беморлардан 1 208 нафари соғайди. Бу ҳақда Соғлиқни сақлаш вазирлиги хабар берди.

Жумладан, беморларнинг 678 нафари Тошкент шаҳрининг 20 та шифохонасида ва уй шароитида даволанганлардир, шунингдек, 185 нафари Тошкент вилоятида, 103 нафари Самарқанд вилоятида, 102 нафари Қашқадарё вилоятида, 50 нафари Бухоро вилоятида, 35 нафари Андижон вилоятида, 20 нафари Сурхондарё вилоятида, 13 нафари Наманган вилоятида, 11 нафари Сирдарё вилоятида, 9 нафари Фарғона вилоятида, 2 нафари Хоразм вилоятида касалликдан фориғ бўлди.

Эслатиб ўтамиз, соғайганлар кўрсаткичи бўйича сўнгги рекорд натижа кеча, 1 август куни қайд этилган бўлиб, ўшанда мамлакатнинг турли ҳудудларида 835 нафар бемор тузалганди.

Шундай қилиб, Ўзбекистонда 16 507 нафар коронавирус инфекциясига чалинган фуқаролар тузалиб, соғайиш кўрсаткичи 64 фоизни ташкил қилмоқда.

Суннатилла Абдуллаев
Мақолага баҳо беринг
Баҳолаганлар: 874
Рейтинг: 3
t
×