Ўзбекистонда бир кунда неча киши ПЗР тест топширяпти?
Local
−
20 January 2022 4371 1 minute
Ўзбекистонда коронавирус инфекцияси тарқалишининг динамикасига назар ташласак, жорий йил 5 январдан бошлаб аҳоли ўртасида касалланиш кўрсаткичлари ортиб бораётганини кўриш мумкин.
Касалланиш ортганига мос равишда фуқароларнинг ПЗР-тест топшириш динамикаси ҳам ортиб бормоқда. Бу ҳақда Соғлиқни сақлаш вазирлиги хабар қилди.
Санитария-эпидемиологик осойишталик ва жамоат саломатлиги хизмати маълумотига кўра, жорий йил 5-15 январь кунлари мамлакатда жами 300 мингдан зиёд ПЗР-тест синамаси ўтказилган.
Сўнгги кунларда эса кунига ўртача 45-50 минг нафарга яқин фуқародан ПЗР-тест олинмоқда.
Қайд этиш керакки, ўтган йил декабрь ойининг охирги ҳафтасида Ўзбекистонда кунига 15-20 мингта ана шундай синама таҳлиллари ўтказилган.
Маълумот учун, кеча, 19 январь куни Ўзбекистонда 1307 кишида коронавирус аниқланди. Мамлакатда жами касалланганлар сони 209 578 нафарга етди.
