Ўзбекистонда 8 июндан очиладиган масжидлар рўйхати эълон қилинди
Local
−
05 June 2020 22105 1 minute
Ўзбекистон мусулмонлари идорасининг карантин даврида масжидлар фаолиятини ташкил этиш юзасидан баёнотига мувофиқ, 2020 йил 8 июндан бошлаб "яшил" ҳудудларда масжидлар очилади. Унгача, 5–8 июнь кунлари санитар чоралар амалга оширилади.
“Ҳақиқатан, барча мўмин-мусулмонларимиз масжидларда намоз ўқишни жуда соғинишди. Аллоҳга шукрки, масжидлар эшиклари яна очилди, карантин мезонларига амал қилган ҳолда “яшил” ҳудудларда файзли ибодатларни бошлаймиз.
Қолган «сариқ» ва «қизил» ҳудудлар “яшил” ҳудудга ўтгунга қадар масжидлар фаолияти вақтинча тўхтатилган бўлиб, бир оз сабр қилсак, ушбу касаллик хавфи камайса, у ерларда ҳам масжидлар фаолиятига рухсат этилади, инша Аллоҳ”, дейилади хабарда.
“Яшил”, “сариқ” ва “қизил” ҳудудга тоифаланган туман-шаҳарлардаги масжидларнинг рўйхатини PDF форматида ёки Ўзбекистон Мусулмонлар идорасининг расмий сайтида эълон қилинган суратлар орқали билиб олишингиз мумкин.
Live
All
