Ўзбекистонда 6 кунлик пасайишдан кейин доллар курси ўсди

Ўзбекистон Республикаси Марказий банки хорижий валюталарнинг сўмга нисбатан янги қийматини белгилади.

Унга кўра, жорий йилнинг 6 мартидан эътиборан валюталар курси қуйидагича:

1 АҚШ доллари 10 490 сўм 65 тийинни ташкил этиб, аввалги курсга нисбатан 12 сўм 79 тийинга қимматлашди.

1 евро курси 12 513 сўм 25 тийинга баҳоланиб, 93 сўм 71 тийинга арзонлашди.

Рубль курси кечагига нисбатан 1 сўм 60 тийинга арзонлашди. Хусусан, 1 рубль 140 сўм 52 тийин этиб белгиланган. 

Валюта қийматини белгилаш чоғида Ўзбекистон Республикаси Марказий банки мазкур валюталарни ушбу қийматда сотиш ёки сотиб олиш мажбуриятини олмайди.