Ўзбекистонда 1-синфга онлайн қабул бошланди
Жамият
−
10:50 758 1 дақиқа
2026–2027 ўқув йили учун Ўзбекистонда 1-синфга қабул жараёнлари 20 июндан бошлаб расман старт олди. Бу ҳақда Мактабгача ва мактаб таълими вазирлиги хабар берди.
Вазирлик маълумотига кўра, 20 июн соат 10:00 дан бошлаб ота-оналар электрон аризаларни икки платформа орқали топшириши мумкин:
— my.maktab.uz
— my.gov.uz (Ягона интерактив давлат хизматлари портали)
Фуқароларга қулайлик яратиш мақсадида call-марказ ҳам ишга туширилган. Саволлар учун 71-203-07-04 ва 71-203-04-03 рақамлари, шунингдек Telegram’даги @mymaktabuz_bot орқали мурожаат қилиш мумкин.
Маълумот учун, микроҳудудлар доирасида қабул жараёнлари 20 июндан 31 июлгача давом этади.
Янги тартибга кўра, қабул тўлиқ электрон шаклда амалга оширилмоқда.
Эслатиб ўтамиз, 1-синфга қабул 7 ёшга тўлган болалар учун белгиланган бўлиб, 2026–2027 ўқув йилида 2019 йил 31 декабргача туғилган болалар мактабга қабул қилинади.
Live
Барчаси
