Ўзбекистон Жаҳон чемпионатини 12 та медаль билан якунлади

Кеча, 5 октябрь куни Ҳиндистоннинг Нью-Деҳли шаҳрида тўққиз кун давом этган пара енгил атлетика бўйича Жаҳон чемпионати ўз ниҳоясига етди. Мусобақанинг сўнги кунида Мадина Мухторова Осиё рекордини янгилаб, Жаҳон чемпионатининг кумуш медалини қўлга киритди.

Мадина Мухторова аёллар ўртасида F40 тоифасидаги ядро улоқтириш баҳсларида иштирок этди. Мухторова ўз уринишларида 8.99 метр натижа қайд этиб, Осиё рекордини янгилади ва шу билан бирга, Жаҳон чемпионатининг кумуш медалига эга чиқди.

Дунёнинг 109 та мамлакатидан жами 1400 нафарга яқин спортчилар баҳс олиб борган Жаҳон чемпионатида Ўзбекистон миллий терма жамоаси якунда  5 та олтин, 5 та кумуш ва 2 та бронза, жами 12 та медаль қўлга киритилди.

Олтин медаль:

• Ёқутхон Холбекова (T12, узунликка сакраш);
• Жасур Хўжаев (F32, ядро улоқтириш);
• Каромат Омонова (F46, ядро улоқтириш);
• Фахриддин Хамроев (T12, 400 метр масофага югуриш);
• Темурбек Гиязов (T64, баландликка сакраш).

Кумуш медаль:

• Кубаро Ҳакимова (F41, ядро улоқтириш);
• Шаҳина Йигиталиева (F46, найза улоқтириш);
• Ёрқинбек Одилов (F57, найза улоқтириш);
• Бобур Омонов (F41, ядро улоқтириш);
• Мадина Мухторова (F40, ядро улоқтириш).

Бронза медаль:

• Толиббой Йўлдошев (F37, ядро улоқтириш);
• Наврўза Ахматова (F41, диск улоқтириш).

Маълумот учун, Ўзбекистон терма жамоаси Нью-Деҳли-2025 Жаҳон чемпионатини умумжамоа ҳисобида 14-ўринда якунлади.