O‘zbekiston Kinematografiya akademiyasi tashkil etiladi

O‘zbekiston Respublikasi Prezidentining “Kino san’ati va sanoatini yangi bosqichga olib chiqish, sohani davlat tomonidan qo‘llab-quvvatlash tizimini yanada takomillashtirish to‘g‘risida”gi farmoni qabul qilindi. 

Farmonga ko‘ra, O‘zbekiston Respublikasi Kinematografiya agentligi huzurida:

• O‘zbekiston Kinematografiya akademiyasi oliy ta’lim muassasasi;
• “Respublika kinofondi” DUK negizida byudjet mablag‘lari hisobidan moliyalashtiriladigan “O‘zbekiston milliy kinofondi” davlat muassasasi;
• “O‘zbekfilm” DUK negizida xususiy kinokompaniyalarga film, multfilm va seriallar yaratish bo‘yicha xizmat ko‘rsatuvchi “O‘zbekfilm” kinokonserni” DUK;
• Agentlikning viloyatlar va Toshkent shahar hududiy bo‘limlari tashkil etiladi.

Shuningdek:

• “Multiplikatsion filmlar studiyasi” DUK;
• “Respublika kinoprokat markazi” DUK va uning hududiy filiallari;
• “Kinematografchilar uyi” DUK;
• “Kinoindustriya sohasi xodimlarini qayta tayyorlash va ularning malakasini oshirish markazi” DUK faoliyati tugatiladi.

Eslatib o‘tamiz, avvalroq “O‘zbekkino” milliy agentligi Kinematografiya agentligi etib qayta nomlangani haqida xabar berilgandi.