Ўзбекистон дзюдо жамоаси Анталя турнирини битта медаль билан якунлади
Спорт
−
03 Апрель 2023 2648
Туркиянинг Анталя шаҳрида ўтказилган дзюдо бўйича “Катта дубулға” мусобақаси ўз поёнига етди. Ўзбекистон терма жамоаси мазкур турнирда 1 та медалга эга чиқди. Бу ҳақда Миллий Олимпия қўмитаси (МОҚ) матбуот хизмати хабар берди.
Оғир вазн тоифасида баҳс олиб борган ўзбекистонлик дзюдочилар медаллар учун курашни эрта тарк этди. Шу тариқа, қизлардан -52 кг вазн тоифасида Сита Қадамбоева қўлга киритган бронза медали терма жамоа учун ягона бўлиб қолди. Қадамбоева бронза медали учун баҳсда испаниялик Эстрелла Шерифдан устун келиб, фаолиятида иккинчи бор “Катта дубулға” мусобақасининг бронза медали соҳибига айланди.
Қайд этиш жоиз, аввалроқ терма жамоа мураббийлар штаби мазкур мусобақага захира таркиб вакилларини жалб қилганди. Мусобақадан сўнг иштирокчи давлатлар халқаро ўқув-машғулот йиғинида қатнашади.
Live
Барчаси
