Ўзбекистон 226,14 млн долларни нимага сарфлайди?
Жамият
−
22 июл 2019 4776 1 дақиқа
“Ўзбекистон темир йўллари” акциядорлик жамияти 2019-2021 йилларда локомотивлар паркини янгилаш учун жами 226,14 млн АҚШ доллар сарфлаши режалаштириляпти. Бу ҳақда “Норма” хабар берди.
Осиё тараққиёт банки Ўзбекистонга 5 йиллик имтиёзли давр, йиллик 0,5 фоиз қўшилган олти ойлик ЛИБОР ва ўзлаштирилмаган қарз суммасининг 0,15 фоизи миқдорида мажбурият учун комиссия билан 25 йилга 170 млн АҚШ доллари ажратди.
Ўзбекистоннинг ҳиссаси – 56,14 млн АҚШ доллари эквиваленти – ўз ичига солиқ ва божхона имтиёзларини (45,06 млн доллар) тақдим этиш ва ижро этувчи масъул орган – “Ўзбекистон темир йўллари” АЖнинг ўз маблағларини (11,08 млн доллар) олади.
Аввалроқ, “Ўзбекистон темир йўллари” АЖ Хитойдан 24 та электровоз сотиб олиши ҳақида хабар берган эдик.
Live
Барчаси
