Ўзбек клубларининг ОЧЛдаги ўйинлари вақти маълум бўлди
Спорт
−
20 Июль 2023 3495
Осиё футбол конфедерацияси Осиё Чемпионлар лигасининг янги мавсум учун дастлабки ўйинлари тақвимини эълон қилди.
15 август куни Ўзбекистонинг ОКМК клуби Олмалиқдаги уй стадионида Уммоннинг “Ал-Сиб” жамоасини қабул қилади. Учрашув соат 20.00 да бошланади.
22 август куни “Навбаҳор” Қатардаги “Ал-Жануб” стадионида “Ал-Вакра”га қарши баҳс олиб боради. Ўйин 18:30 да старт олади. Ўша куни соат 20:30 эса, “Ат-Тумама” стадионида ОКМК - “Ал-Сиб” учрашуви ғолибига қарши “Ал-Араби” жамоаси баҳс олиб боради.
Маълумот учун, ОКМК ва Навбаҳор клубларидан ташқари Осиё Чемпионлар лигасида “Пахтакор” ва “Насаф” жамоалари Ўзбекистон шарафини ҳимоя қилади. “Пахтакор” ва “Насаф” мусобақани тўғридан-тўгри гуруҳ босқичидан бошлайди.
