Ўзбек кино санъати оғир жудоликка учради
Маданият-санъат
−
19 Май 2023 66156
Кеча, 18 май куни Театр ва кино актёри, режиссёр, ёзувчи Рустам Ўразаев 65 ёшида Москвада вафот этди. Бу ҳақда Ўзбекистон Республикаси Кинематография агентлиги Матбуот хизмати хабар берди.
Таъкидланишича, актёрнинг ўлимига узоқ давом этган хасталик сабаб бўлган.
Маълумот учун, Рустам Ўразаев 1958 йил 21 январда Тошкентда туғилган. Бадиий билим юртининг дизайн ва бадиий безак бўлими ва Тошкент давлат университетининг тарих факультетида ўқиган.
Рустам Ўразаев актёрлик фаолиятини 1974 йилда бошлаган. Мамлакатнинг турли киностудияларида ишлаган. У театр ва кинода 50 дан ортиқ ролларни ижро этган. У “Табиб”, “Албан тахаллуси”, “Из”, “Қилич”, “Аёллар ҳикоялари”, “Бешинчи қўриқчи” каби фильмларда роль ўйнаган ва “Ўргимчак Тўри 11” (2017) фильмининг режиссёри бўлган. Орадан вақт ўтиб, Рустам Ўразаев фаолиятини Россияда давом эттирган.
Киношунос, журналист Шоҳира Ҳамронинг айтишича, Рустам Ўразаев “Олов ичида фаришта”, “Шок” фильмларида ҳам роль ижро этган.
“Фильм “запрет”га тушганидан кейин Ўзбекистондан ҳафсаласи пир бўлган, шекилли. У французларнинг фильмларида ҳам тушганди”, дейди у.
Live
Барчаси