Ўзбек боксчиларининг “Странжа” турниридаги рақиблари маълум бўлди

19-26 февраль кунлари Болгария пойтахти София шаҳрида бокс оламида катта нуфузга эга “Странжа” анъанавий 74-халқаро турнири бўлиб ўтади. Мусобақада иштирок этадиган ўзбекистонлик боксчиларнинг рақиблари маълум бўлди.

Бугун, 20 февраль куни 7 нафар ўзбек боксчиси рингга кўтарилади. Эркаклар ўртасида Асилбек Жалилов, Дилшод Абдумуродов, Беҳзод Ҳамидов, Иқболжон Холдоров ва Саиджамшид Жаъфаров турнирдаги илк жангини ўтказса, аёллардан Мухлиса Хушвақтова ва Саидахон Раҳмонова кун дастурида ўз иштирокини бошлайди.

Тақвим:

-54 кг: Мухлиса Хушвақтова – Наим Фей (Ирландия) (16:00, Б ринг);

-51 кг: Асилбек Жалилов – Гумуш Самет (Туркия) (17:40 дан сўнг, Б ринг);

-60 кг: Дилшод Абдумуродов – Артур Тиниев (Европа бокс конфедерацияси) (17:55 дан сўнг, Б ринг);

-67 кг: Беҳзод Ҳамидов – Павел Фёдоров (Сербия) (19:10 дан сўнг, Б ринг);

-71 кг: Иқболжон Холдоров – Вандерсон де Оливейра (Бразилия) (19:20 дан сўнг, А ринг);

-71 кг: Саиджамшид Жаъфаров – Капулер Мирослав (Исроил) (19:35 дан сўнг, А ринг);

-48 кг: Саидахон Раҳмонова – Кармен Ортега (Испания) (21:40 дан сўнг, Б ринг).