“Urush tugadi”. Tramp Knessetda chiqish qiladi

AQSH Prezidenti Donald Tramp bugun, 13 oktyabr kuni Quddusdagi Knesset (Isroil parlamenti) binosida yurayotgan paytda, bir jurnalist undan “Urush endi rasman tugadimi?” deb so‘radi.

“Ha”, deb javob berdi Tramp, o‘zi vositachi bo‘lgan kechishuv (otishmani to‘xtatish kelishuvi) urushga nuqta qo‘yadi, degan o‘z pozitsiyasini yana bir bor tasdiqlab.

“Bu men uchun katta sharaf. Ulug‘ va go‘zal kun. Yangi ibtido”, deb yozdi Tramp Knessetning mehmonlar kitobiga.

Bu qarashni Isroil Bosh vaziri Binyamin Netanyaxu esa qo‘llab-quvvatlamaydi, u kecha, 12 oktyabr kuni G‘azoga qarshi harbiy kampaniya hali yakunlanmaganini aytgan edi. Shuningdek, Trampning 20 banddan iborat tinchlik rejasidagi bir qator masalalar hamon hal etilmagan.

Shunga qaramay, kamida uning o‘z tushunchasiga ko‘ra, Tramp ishonch bilan: “Urush bo‘lmasligi kerak, jang tugadi”, degan fikrda turibdi.

Eslatib o‘tamiz, 13 oktyabr kuni ertalab AQSH Prezidenti Donald Tramp garovdagilarni ozod qilish jarayoni davom etayotgan bir paytda Isroilga yetib borgandi. Ben-Gurion aeroportida katta Isroil delegatsiyasi – Bosh vazir Binyamin Netanyaxu va uning rafiqasi Sara boshchiligida – prezidentni kutib oldi. Shuningdek, Isroil Prezidenti Ishok Gersog, AQSHning Isroildagi elchisi Mayk Hakkabi va otashkesim bitimini tuzishda yordam bergan Trampning kuyovi Jared Kushner ham o‘sha yerda edi. Unga Ivanka Tramp hamrohlik qildi.