Украиналик генерал Зеленскийни Наполеон билан таққослади 

Украина Президенти Владимир Зеленский жуда кўп аҳмоқона ишлар қилган “енгил ва инжиқ одам”. Бундай фикрни Луганск ва Закарпатье вилоятларининг собиқ раҳбари генерал Геннадий Москаль “Наш” телеканали эфирида билдирди.

Генерал Украинада мухолиф телеканалларнинг ёпилиши ҳақида гапирар экан, Зеленскийга “бу ҳақда ўйлаб кўришни” маслаҳат берган. 

“Кейинги йил бўлиши керак бўлган янги Олий Рада эса аллақачон янги Жиноят кодексини қабул қилиши керак, чунки унда жуда кўп у (Зеленский) бузган моддалар мавжуд”, деган Москаль. 

Унинг фикрича, Украина раҳбари “бир ўй билан” уйғониб, “бошқаси билан” ишга киришади. 

“У бир нарсани ўйлайди, иккинчисини айтади, учинчисини қилади. У енгил, инжиқ одам”, деган генерал. 

Шу билан бирга, Москаль Зеленский Наполеонга “фақат бўйи бўйича” ўхшашини қўшимча қилган.

Маълумот ўрнида, бундан аввалроқ, Зеленский Миллий хавфсизлик ва мудофаа кенгашининг “Наш” телеканалига эгалик қилувчи компанияларга нисбатан санкциялар тўғрисидаги қарорини қабул қилнагн. Шунингдек, Украинада “112 Украина”, NewsOne, ZIK, “Биринчи мустақиллик” ва UkrLive телеканалларининг трансляцияси тақиқланган.