ЎФА Осиёнинг энг яхши федерацияси бўлиши мумкин
Спорт
−
31 Октябрь 2023 2672
Ўзбекистон футбол ассоциацияси (ЎФА) Осиёда “Йилнинг энг яхши футбол федерацияси” бўлишга даъвогарлик қилмоқда. Бу ҳақда ЎФА матбуот хизмати хабар берди.
Бугун, 31 октябрь куни Қатар пойтахти Доҳа шаҳрида Осиё футбол конфедерацияси (ОФК) томонидан Осиё футболининг энг яхшиларини тақдирлаш маросими ўтказилади.
Ўзбекистон футбол ассоциацияси “Йилнинг энг яхши футбол федерацияси” номинациясининг “Платинум” йўналишида ғолибликка даъвогарлар қаторида эътироф этилмоқда. Мукофотга шунингдек, Эрон футбол федерацияси ва Япония футбол ассоциацияси ҳам номзодлар қаторида кўрсатилган.
Ҳозирги вақтда бевосита ЎФА вице-президенти Равшан Эрматов Қатар пойтахтида бўлиб турибди.
Шунингдек, Доҳа шаҳрида Марказий Осиё футбол ассоциацияси (CAFA) ва Ҳиндистон футбол федерацияси ўртасида “Ҳамкорлик меморандуми” имзоланган.
Қайд этилишича, бундан кейин CAFA мусобақаларида Ҳиндистоннинг турли ёшдаги терма жамоалари ҳам иштирок этиши кутилмоқда.
