U-23 Осиё кубоги: Бугун Ўзбекистон Қувайтга қарши майдонга тушади

Спорт

−

20 Апрель 2024 visibility11121 timer1 дақиқа

Бугун, 20 апрель куни футбол бўйича Ўзбекистон Олимпия терма жамоаси Қатарда ўтказилаётган Осиё кубогида гуруҳ босқичининг 2-тур учрашувини ўтказади. Темур Кападзе шогирдларига қувайтлик футболчилар рақиблик қилади.

“D” гуруҳидан ўрин олган оқ бўрилар 1-турдан сўнг 3 очко тўплаб, Вьетнам жамоаси билан пешқадамлик қилмоқда. Қувайт эса дастлабки турда айнан Вьетнамга имкониятни бой берган. Гуруҳнинг иккинчи ўйинида 1-турда Ўзбекистондан мағлубиятга учраган Малайзия вьетнамлик футболчиларга қарши майдонга тушади.

Қайд этиш жоиз, Қувайт устидан қозонилган ғалаба Ўзбекистон Олимпия терма жамоасини муддатидан олдин турнир 1/4 финалига олиб чиқади.

Ўзбекистон Қувайтга қарши тўлиқ оқ, дарвозабон эса қора рангли либосда ўйнайди. Учрашув Тошкент вақти билан соат 20:30 да старт олади. Баҳсга Доҳа шаҳридаги “Сауд Бин Абдулраҳмон” стадиони мезбонлик қилади.

Мақола муаллифи