Тўйда “ўқ узган” куёвжўра ким? ИИББ изоҳ берди

3-саҳифа 36798
image

Ижтимоий тармоқларда тўйдаги меҳмонлардан бири осмонга қарата тўппончадан ўқ узаётгани акс этган видео тарқамоқда. Мазкур ҳолатга нисбатан Тошкент шаҳар Ички ишлар бош бошқармаси изоҳ берди. 

Қайд этилишича, ушбу видео Тошкент шаҳар ИИББ томонидан ўрганилган. Видеодаги одамлар, хусусан ўқ узган кишининг шахси аниқланган. 

Ўқ узган киши – Тошкент вилоятилик 25 ёшли Улуғбек Солиҳов экани маълум бўлган. Унинг сўзларига қараганда, у қариндоши бўлмиш куёвга тўй куни куёв-жўралик қилган. 

19 сентябрь куни куёв ва унинг дўстлари Чилонзор туманига келиннинг уйига келишганида, Улуғбек кейинчалик “қизиқарли ролик” тайёрлаш учун бозордан сотиб олган ўйинчоқ пластмасс тўппончани осмонга кўтарган. Шу лаҳзалар видеооператорлар томонидан тасвирга туширилган. 

4 октябрь куни кечқурун Улуғбекнинг ўзи видеони монтаж қилиб, ўқ узиш товушларини қўшган ва видеони инстаграмдаги саҳифасига жойлаган. Кейинчалик мазкур видеони интернетда тарқатган.

Qalampir.uz Tahririyati
Мақолага баҳо беринг
Баҳолаганлар: 2364
Рейтинг: 2.9
Теглар
t
×