Туркия плей-оффга чиқиш имкониятини йўқотди

Бугун, 20 июнь куни 2026 йилги Жаҳон чемпионатининг “Д” гуруҳидан ўрин олган Туркия ва Парагвай терма жамоалари ўртасидаги учрашув бўлиб ўтди. Мазкур баҳсда Туркия 0:1 ҳисобида мағлубиятга учради ва расман плей-оффга чиқиш имкониятини йўқотди.

АҚШнинг Санта-Клара шаҳридаги “Левайс” стадионида кечган баҳсни сальвадорлик ҳакам Иван Бартон бошқариб борди.

Учрашувдаги ягона гол 2-дақиқада ярим ҳимоячи Матиас Галарса томонидан киритилди. Биринчи бўлим якунига етмай туриб, Парагвай ҳужумчиси Мигель Алмирон майдондан четлатилди.

Маълум қилинишича, футболчи оғзини қўли билан ёпган ҳолда ҳакамга бир неча сўз айтган ва бу ҳаракати учун тўғридан-тўғри қизил карточка олган.

Маълумот учун, биринчи турда Туркия Австралияга 0:2 ҳисобида мағлуб бўлган эди, Парагвай эса АҚШга 1:4 ҳисобида имкониятни бой берганди. шу тариқа Туркия 3-тур олдидан гуруҳда 4-ўринни эгаллаши аниқ бўлди.