Тухель 3-ўрин учун баҳсда ўйнашни истамаслигини айтди

Англия терма жамоаси бош мураббийи Томас Тухель Жаҳон чемпионатида учинчи ўрин учун ўтказиладиган баҳс футболчилар учун орзу қилинган ўйин эмаслигини ва бу ўйинда ўйнаш истаги йўқлигини айтди. Бу ҳақда Тухель Аргентинага қарши баҳсдан кейинги матбуот анжуманида сўз очди.

“Ҳеч бир футболчимиз, худди францияликлар каби, бу ўйинда иштирок этишни истамайди. Ҳамманинг орзуси — финалда ўйнаш. Биз финалга чиқиш учун қўлимиздан келган барча ишни қилдик. Жаҳон чемпионатига келган ҳар бир жамоа чемпионликни мақсад қилади, аммо натижа шундай бўлди. Бизда Францияга нисбатан бир кун камроқ дам олиш имконияти бор, шунга қарамай, бу баҳсга профессионал тарзда тайёрланамиз”, дейди Англия бош мураббийи.

Маълумот учун, Англия терма жамоаси жорий йилнинг 18 июль куни Майами шаҳрида Франция билан учинчи ўрин учун баҳс олиб боради.

Эслатиб ўтамиз, Аргентина ярим финалда Англияни 2:1 ҳисобида мағлуб этиб, кетма-кет иккинчи марта Жаҳон чемпионати финалига йўл олди. Энди аргентиналиклар жорий йилнинг 19 июль куни Нью-Жерсида бўлиб ўтадиган финалда Испанияга қарши майдонга тушади.